Rosengarten Bus

En viac zenza auto tel cher de la Dolomites

Benvegnù tel sit del Rosengarten Bus che su la streca 180 Busan – Val d’Ega – Jouf de Ciareja – Sèn Jan te menarà con n viac piajegol tel raion che tol ite l Sistem 7 “Slern, Ciadenac – Latemàr” del Sit de la Dolomites Patrimonie Mondièl.

Te arès do l met de seghitèr l viac da Sèn Jan (Vich) co la linia 101 de Trentino Trasporti de vers de Penia (Cianacei) e da aló jir inant per ruèr sun Fedaa, japede la Marmolèda, Sistem 2 del Sit UNESCO de la Dolomites.

N viac zenza auto che te permetarà de cognoscer la desvalivanzes culturèles de n raion olache vif jent che rejona todesch, talian e ladin desche lengaz de la mère, n ambient naturèl mudegol che da la zità de Busan (250 m.s.m) se dejouc do la strèda statèla 241 de la Val D’Ega enscin ai 1745 metres del Jouf de Ciareja te la cornisc de la crepes del Latemàr (2842 m.) e del Ciadenac (3.000 m.) per ruèr ja Sèn Jan te Fascia.