La Pieif de Sèn Jan

A na comunanza cristièna jà organisèda tel Medioeve aut fèsc referiment ence la Pieif de Sèn Jan, gejia mère e zenter religious e zivil de la val. I prumes documenc che la recorda i é del 1200.

L’antica gejia de stamp romanich la é stata petèda ju te la seconda metà del secol XV, ajache la era massa picola per duta la jent de la val. Sul medemo sedim de la gejia veia l é stat fat su l frabicat d’aldidanché consacrà de setember del 1489.

La gejia de Sèn Jan se moscia te sia tipica architetura gotich-alpina, con n corp soul e n cuert n muie spiz. La dopia dedicazion ai sènc Jan Batista e Jan Evangelist e la prejenza de na cripta consacrèda a Sèn Micel Arcagnol, rechiama usanzes de cult tipiches de l’epoca longobarda.