L Grand Hotel Carezza

Passà via l lech de Ciareja, do aer fat dotrei tornichees, se rua sal storich ‘Grand Hotel Carezza’, l Hotel Gran per fascian.

Sion tel 1893, te n lech rich de storia. La natura salvèra e sćiantiva de la Val d’Ega, con si paluves e sie jerjen, la é do a jir encontra a n event ecezionèl: ti pians sotjù l Jouf de Ciareja da la man de Busan, a 1630 metres s.l.m., scomenza i lurieres per la costruzion del prum frabicat endotà de energia eletrica. Su encèria de Christomannos, patron del tegnir, i architec Musch e Lun se enjegna a meter en esser n projet che te chi tempes l era inovatif e no zenza endesfides. Dantdaldut, vegn drenà l teren destinà al cantier, do vegn realisà na picola zentrèla eletrica per la produzion de energia, na sia, na ciuciaa de cadrie, fojines per la calzina e cartieres per i lurieranc. Amò apede, vegn avert na cava de porfir vejin a la Planggenschwaige.

https://eggental.com/it/val-d-ega/blog/una-valle-ricca-di-storia-%28e-storie%29