L Museo Ladin de Fascia

Te la senta del Museo Ladin, enaudèda del 2001, vegn rencurà e vardà via la colezions etnografiches del Istitut Cultural Ladin, frut de dejenees de enrescides dedichèdes ai desvalives aspec de la ziviltà ladina: la preistoria, l’ativitèdes produtives, la organisazion istituzionèla, la formes de la ritualità zivila e religiousa, la cherdenzes e la tradizions, la dinamiches storiches enscin al mudament segnà dal alpinism e dal turism.

Un di aspec più segnificatives del alestiment l é l Sistem de Suport Multimedèl, n sistem che met a la leta di/de la vijitadores 19 ponts informatives, gestii da na rei de computeres con touch screen interatif, tras chi che se pel apede a presciapech 90 curc filmac monotematics che revèrda i argoments spezifics de la esposizion, con suport sonor originèl e tesć te depiù lengac.

Estra che la senta zentrèla, l Museo tol ite ence Sezions locales metudes a jir te desvalives paijes de la val do che strutures de enteres etnografich e culturèl les era states renovèdes.