L Istitut Cultural Ladin

Te la sugestiva architetura de la pèrt storica de Sèn Jan con si ciasamenc scempies entorn a la Pieif, troon aldidanché l Istitut Cultural Ladin, logà tel veie Tobià de la Pieif fat fora aldò.  En pe fin da la fondazion de la Pieif, che bonamenter va endò ai secoi IX-X, l tobià servìa enlouta a tor su e meter via la diejemes destinèdes a mantegnir l clero del post. Te man de la Provinzia Autonoma de Trent, tel 1976, do da n restaure meticolous, l frabricat l é doventà la “Majon di Fascegn”, la cèsa di ladins de Fascia.

L Istitut Cultural Ladin se tol dant dant de regoer, ordenèr e studièr i materièi che se referesc a la storia, a l’economia, al lengaz, al folclor, a la mitologia, a usanzes e a tradizions de la jent ladina. L Istitut laora ence en colaborazion co la scola e con duc i mesi de informazion e comunicazion.